ცხოველთა განყოფილების მომვლელი
თბილისის ზოოლოგიური პარკი
"თბილისის ზოოლოგიური პარკის" ცხოველთა განყოფილების მომვლელი.
სამუშაო დრო და ანგარიშვალდებულება:
** ცხოველების მომვლელის სამუშაო საათები დილის ცხრა საათიდან საღამოს ექვს საათამდე. შესვენება დღის პირველი საათიდან დღის ორ საათამდე.
** ხუთი სამუშაო და ორი დასვენების დღე (განყოფილების უფროსთან შეთანხმებით).
** ცხოველების მომვლელის სამუშაო საათები, განყოფილების უფროსთან შეთანხმებით, შესაძლებელია შეიცვალოს.
** ცხოველების მომვლელი ანგარიშვალდებულია განყოფილების უფროსის წინაშე.
ხელფასი: 1280 ლარი
ვალდებულებები:
** მომვლელი ყოველდღიურად სამუშაო საათების დაწყებისა და დამთავრებისთანავე ამოწმებს ვოლიერების მდგომარეობას.
** მომვლელი ვოლიერის დაზიანების ან სხვა რაიმე გაუმართაობის შემთხვევაში ინფორმაციას დაუყოვნებლივ აწვდის განყოფილების უფროსს.
** მომვლელი, განყოფილების უფროსთან შეთანხმების საფუძველზე, დაზიანების ხარისხიდან გამომდინარე, დაზიანებას საკუთარი ძალებით აღმოფხვრის.
** მომვლელი დღის განმავლობაში მონიტორინგს უწევს ცხოველებს, აფასებს მათ ზოგად მდგომარეობას. აუცილებლობის შემთხვევაში ინფორმაციას დაუყოვნებლივ აწვდის განყოფილების უფროსს და ვეტერინარულ სამსახურს.
** მომვლელი უწევს ყოველმხრივ დახმარებას ვეტერინარულ სამსახურს სხვადასხვა ვეტერინარული მანიპულაციების (ცხოველის იმობილიზაციისთვის მომზადება, ცხოველის იმობილიზაცია, დაძინებული ცხოველის გადაყვანა, ევთანაზია, გამოწუნება, ქირურგიული ჩარევა, პოსტოპერაციული პერიოდი და სხვა) ჩატარებისას.
** მომვლელი დღის ბოლოს ამოწმებს სარწყულებლებს, აუზებს და საჭიროების შემთხვევაში ცვლის/ამატებს წყალს.
** მომვლელი კვებავს ცხოველს დადგენილი გრაფიკით, რაციონის მიხედვით, კვებითი ენრიჩმენტის გამოყენებით (იმ ცხოველებში, სადაც ენრიჩმენტი ხორციელდება).
** მომვლელი, განყოფილების უფროსთან შეთანხმებით, ატარებს სხვა სახის ენრიჩმენტებსაც.
** მომვლელი, განყოფილების უფროსის დავალებით, სეზონურად აწყობს ბუდეებსა და ბუნაგებს.
** მომვლელი ყოველდღიურად ალაგებს/ასუფთავებს:
** ვოლიერებს, შუშის ბარიერებს, ღობეებს, ბადეებს, კედლებს, იატაკს;
** ვოლიერსა და გარე დამცავ ბარიერს შორის არსებულ სივრცეს;
** ვოლიერებში არსებულ საკვებურებსა და სარწყულებლებს, წყლის რეზერვუარებს, აუზებს.
** კატეგორიულად იკრძალება ცხოველზე ნებისმიერი სახის ძალადობა (უხეში მოპყრობა, ყვირილი, ცემა და სხვა), რამაც შეიძლება გამოიწვიოს ცხოველის ტრავმირება, ფსიქოლოგიური შოკი, გაღიზიანება, აგრესია.
** ცხოველთა მომვლელი შვებულების დროს ტოვებს შემცვლელს, რომელიც დროებით ითავსებს მის ფუნქციებს.
დაინტერესებულ პირებს გთხოვთ, გადმოაგზავნოთ რეზიუმე მეილზე: marina.kurtanidze@yahoo.com.