საქართველოს რეგიონებში სექტორული შესაძლებლ.იდენტიფიცირება

"საქართველოს ეკონომიკური განვითარების კორპორაცია" აცხადებს ინტერესთა გამოხატვას საკონსულტაციო მომსახურების შესყიდვის მიზნით — "საქართველოს რეგიონებში სექტორული შესაძლებლობების იდენტიფიცირება" (Identification of Sectoral Opportunities in Regions of Georgia). ინტერესთა გამოხატვის ფარგლებში წარმოდგენილი განაცხადები შეფასდება წინასწარ განსაზღვრული საკვალიფიკაციო და შეფასების კრიტერიუმების შესაბამისად (იხილეთ მიმაგრებული ფაილი). შეფასების შედეგად შეირჩევა და ჩამოყალიბდება კონსულტანტთა მოკლე სია. მოკლე სიაში შესულ კონსულტანტებს გაეგზავნებათ წინადადების მოთხოვნის დოკუმენტი (Request for Proposals - RFP), რომლის საფუძველზეც მათ უნდა წარმოადგინონ ტექნიკური და ფინანსური წინადადებები. კონსულტანტის შერჩევა განხორციელდება მსოფლიო ბანკის შესყიდვების რეგულაციებით განსაზღვრული უმცირესი ღირებულების საფუძველზე შერჩევის მეთოდით (Least-Cost Based Selection - LCS). ფინანსური წინადადებები გაიხსნება მხოლოდ იმ კონსულტანტებისთვის, რომელთა ტექნიკური წინადადებები დააგროვებს RFP-ით განსაზღვრულ მინიმალურ ტექნიკურ ქულას. აღნიშნულ კონსულტანტებს შორის ყველაზე დაბალი შეფასებული ფასის მქონე წინადადების წარმდგენი კონსულტანტი შეირჩევა და მოწვეული იქნება მოლაპარაკებებზე. ტექნიკური დავალებისა და შეფასების კრიტერიუმების დეტალური გაცნობისთვის, გთხოვთ, იხილოთ მიმაგრებული დოკუმენტი. ინტერესთა გამოხატვის განაცხადების წარდგენის ბოლო ვადაა 2026 წლის 22 ოქტომბერი, 17:00 საათი.