მხატვარი
ბაბალე
სოციალური საწარმო "ბაბალე" ეძებს მხატვარს კერამიკული პროდუქციის მოსახატად. ჩვენ ვქმნით ხელნაკეთ სასაჩუქრე ნივთებს და ხელს ვუწყობთ დაუნის სინდრომის მქონე პირების დასაქმებას.
თანამშრომლობის პირობები:
** თანამშრომლობა მომსახურების ხელშეკრულებით. ეს არ არის სრულგანაკვეთიანი სამუშაო.
** გრაფიკი თავისუფალია და თანხმდება ბაბალეში ხატვისთვის განსაზღვრული დროების გათვალისწინებით.
** დატვირთვა დამოკიდებულია შეკვეთებზე და შეიძლება იყოს სეზონური, პერიოდული ან რეგულარული, თავისუფალი გრაფიკის შენარჩუნებით.
** ანაზღაურება განისაზღვრება მოხატული პროდუქციის მიხედვით; ტარიფები თანხმდება წინასწარ.
სამუშაო ადგილი: თბილისი, ალექსანდრე დიუმას ქ. 21.
რას მოიცავს სამუშაო:
** კერამიკული ნაწარმის მოხატვა შერჩეული ესკიზების მიხედვით - კონტურების დატანა, ფერების მომზადება და დაფერვა.
** ნამუშევრის ხარისხზე ზრუნვა და შეთანხმებული ვადების დაცვა.
** მასალებისა და ინსტრუმენტების მოვლა და სამუშაო ადგილის მოწესრიგება.
** ვორქშოფებში მონაწილეების დახმარება შესაძლებელია ცალკე შეთანხმების საფუძველზე.
რას ველით კანდიდატისგან:
** ხატვის პრაქტიკულ გამოცდილებას და კერამიკის მოხატვის მასალებისა და ტექნიკების ცოდნას.
** აკურატულობას, პასუხისმგებლობას და გუნდთან თანამშრომლობის უნარს.
** ბაბალეს სოციალური მისიისადმი ინტერესსა და პატივისცემაზე დაფუძნებულ ურთიერთობას.
** სასურველია შესაბამისი სახელოვნებო განათლება და შეზღუდული შესაძლებლობის მქონე პირებთან მუშაობის გამოცდილება.
როგორ გამოგვეხმაუროთ:
გამოგვიგზავნეთ რეზიუმე და თქვენი ნამუშევრების პორტფოლიო ელფოსტაზე babale@downsyndrome.ge და წერილის სათაურში მიუთითეთ "მხატვარი".